കോഴിക്കോട്: സുന്നി യുവജനസംഘം (എസ്.വൈ.എസ്) സംസ്ഥാനത്തിനകത്തും പുറത്തുമുള്ള യൂനിറ്റുകളില്‍ അദാലത്ത് നടത്തും.
ഇതിന്റെ ഭാഗമായി ഈമാസം സംസ്ഥാന കര്‍മ സമിതിയും അടുത്തമാസം ജില്ലാ കൗണ്‍സിലും ചേരും. ഏപ്രിലില്‍ ജില്ലാതലങ്ങളില്‍ സംസ്ഥാന സെക്രട്ടറിയുടെ നേതൃത്വത്തില്‍ അദാലത്ത് നടത്തും.
സംസ്ഥാന കമ്മിറ്റി നല്‍കുന്ന നിശ്ചിത ഫോറത്തില്‍ സമര്‍പ്പിക്കുന്ന പ്രവര്‍ത്തന റിപ്പോര്‍ട്ടും യൂനിറ്റിലെ മുഴുവന്‍ രേഖകളും പരിശോധിച്ച ശേഷം അംഗീകാരപത്രവും പുതിയ രേഖകളും നല്‍കും.
പ്രത്യേകം തയാറാക്കിയ സോഫ്റ്റ്‌വെയര്‍ ഉപയോഗിച്ച് ജില്ലാതലങ്ങളില്‍ വിദഗ്ധരുടെ നേതൃത്വത്തില്‍ യൂനിറ്റ്തല വിവരങ്ങള്‍ ശേഖരിക്കുകയും പരിശോധനയ്ക്കു വിധേയമാക്കുകയും ചെയ്യും.
സംസ്ഥാന സെക്രട്ടേറിയറ്റ് യോഗത്തില്‍ പിണങ്ങോട് അബൂബക്കര്‍ അധ്യക്ഷനായി. ഹംസ റഹ്മാനി കൊണ്ടിപ്പറമ്പ്, സലീം എടക്കര സംസാരിച്ചു.