ജനതാദള്‍ (യു): പിളര്‍പ്പ് പ്രഖ്യാപിച്ച് അഡ്വ.ജോണ്‍ ജോണ്‍ വിഭാഗത്തിന്റെ സന്ദേശയാത്ര

backup

February 09 2018 | 19:02 PM

%e0%b4%9c%e0%b4%a8%e0%b4%a4%e0%b4%be%e0%b4%a6%e0%b4%b3%e0%b5%8d%e2%80%8d-%e0%b4%af%e0%b5%81-%e0%b4%aa%e0%b4%bf%e0%b4%b3%e0%b4%b0%e0%b5%8d%e2%80%8d%e0%b4%aa%e0%b5%8d%e0%b4%aa%e0%b5%8d-%e0%b4%aa

കാസര്‍കോട്: യു.ഡി.എഫ് വിട്ട് എല്‍.ഡി.എഫില്‍ ചേരാനുള്ള നീക്കത്തെ തുടര്‍ന്ന് എം.പി വീരേന്ദ്രകുമാറിന്റെ നേതൃത്വത്തിലുള്ള ജനതാദള്‍ (യു) പിളര്‍ന്നു. എല്‍.ഡി.എഫില്‍ ചേരാന്‍ തീരുമാനമെടുത്ത ജനതാദള്‍ (യു) യോഗത്തില്‍ നിന്ന് ഇറങ്ങിപ്പോയ സംസ്ഥാന ജനറല്‍ സെക്രട്ടറിമാരിലൊരാളായ അഡ്വ. ജോണ്‍ ജോണിന്റെ നേതൃത്വത്തില്‍ പിളര്‍പ്പ് പ്രഖ്യാപിച്ച് കാസര്‍കോട് നിന്ന് തിരുവനന്തപുരത്തേക്ക് ജെ.പി, ലോഹ്യ ജനതാ സന്ദേശയാത്ര തുടങ്ങി.
ജനതാദള്‍ (യു) യു.ഡി.എഫ് വിട്ടതില്‍ നിരാശരായ പ്രവര്‍ത്തകരെ സന്ദേശയാത്രക്കിടെ നേരിട്ട് കണ്ട് പുതിയ പാര്‍ട്ടിയില്‍ അണിനിരത്താനാണ് അഡ്വ. ജോണ്‍ ജോണ്‍ വിഭാഗത്തിന്റെ നീക്കം. അഡ്വ. ജോണ്‍ ജോണ്‍ സംസ്ഥാന പ്രസിഡന്റായാണ് ജനതാദള്‍ (യു.ഡി.എഫ് വിഭാഗം) എന്ന പേരില്‍ പുതിയ പാര്‍ട്ടി രൂപം കൊണ്ടിരിക്കുന്നത്. ഇന്നലെ രാവിലെ കാസര്‍കോട് പുതിയ ബസ് സ്റ്റാന്റ് പരിസരത്തെ ഒപ്പുമര ചുവട്ടില്‍ നിന്നാണ് യാത്രക്ക് തുടക്കമായത്. 20ന് തിരുവനന്തപുരത്ത് സമാപിക്കും.
ജനതാദള്‍ (യു) സംസ്ഥാന സെക്രട്ടറിമാരായിരുന്ന പ്രൊഫ. ജോസ് ജോര്‍ജ്, എക്‌സിക്യൂട്ടീവ് കമ്മിറ്റി അംഗങ്ങളായി പി സെബാസ്റ്റ്യന്‍, എം.എം കബീര്‍ എന്നിവരുടെ നേതൃത്വത്തിലാണ് പുതിയ പാര്‍ട്ടി രൂപീകരിച്ചിരിക്കുന്നത്. സന്ദേശയാത്ര യാത്ര ഉദ്ഘാടനവും അഡ്വ. ജോണ്‍ ജോണ്‍ നിര്‍വഹിച്ചു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."