ഫരീദാബാദ്: രാജസ്ഥാനിലെ ബിക്കാനീര്‍ ഭൂമി ഇടപാടുമായി ബന്ധപ്പെട്ട് റോബര്‍ട്ട് വദ്രയുടെ അടുപ്പക്കാരനായ ഫരീദാബാദ് സ്വദേശിയുടെ ഓഫിസില്‍ എന്‍ഫോഴ്‌സ്‌മെന്റ് ഡയരക്ടറേറ്റ് റെയ്ഡ് നടത്തി. മഹേഷ് നാഗാറിന്റെ ഓഫിസിലും ബന്ധപ്പെട്ട മറ്റിടങ്ങളിലുമാണ് റെയ്ഡ് നടത്തിയതെന്നാണ് വിവരം. രാഹുല്‍ ഗാന്ധിയുടെ സഹോദരീ ഭര്‍ത്താവ് റോബര്‍ട്ട് വദ്രയുമായി തനിക്ക് ബന്ധമുണ്ടെന്നും അദ്ദേഹത്തിന്റെ ഉടമസ്ഥതയിലുള്ള സ്‌കൈലൈറ്റ് ഹോസ്പിറ്റാലിറ്റി പ്രൈവറ്റ് ലിമിറ്റഡിനുവേണ്ടി ഭൂമി ഇടപാട് നടത്തിയിട്ടുണ്ടെന്നും അദ്ദേഹം എന്‍ഫോഴ്‌സ്‌മെന്റ് ഡയരക്ടറേറ്റിന്റെ ചോദ്യം ചെയ്യലില്‍ അറിയിച്ചിട്ടുണ്ട്. കഴിഞ്ഞ ഡിസംബറില്‍ നാഗറുമായി അടുപ്പമുള്ള അശോക് കുമാര്‍, ജയപ്രകാശ് ബഗര്‍വാ എന്നിവരെ ചോദ്യം ചെയ്തതില്‍ നിന്നാണ് വദ്രയുമായി ബന്ധപ്പെട്ട കൂടുതല്‍ വിവരങ്ങള്‍ ലഭിച്ചത്.