കൊല്‍ക്കത്ത: അഖിലേന്ത്യാ അന്തര്‍ സര്‍വകലാശാലാ ഫുട്‌ബോള്‍ ചാംപ്യന്‍ഷിപ്പില്‍ കാലിക്കറ്റ് ഫൈനലില്‍ പ്രവേശിച്ചു. ബംഗാളിലെ മിഡ്‌നാപൂര്‍ വിദ്യാസാഗര്‍ സര്‍വകലാശാലാ കാംപസില്‍ നടന്ന സെമിയില്‍ ആതിഥേയരെ ഏകപക്ഷീകമായ ഒരു ഗോളിനാണു കാലിക്കറ്റ് പരാജയപ്പെടുത്തിയത്.
കളിയുടെ 89ാം മിനുട്ടില്‍ മഞ്ചേരി എന്‍.എസ്.എസ് കോളജിലെ സിയാദ് നെല്ലിപറമ്പനാണ് നിര്‍ണായക ഗോള്‍ നേടിയത്. ഇന്ന് ഉച്ചയ്ക്കു നടക്കുന്ന ഫൈനലില്‍ നിലവിലെ ചാംപ്യന്‍മാരായ പഞ്ചാബ് സര്‍വകലാശാലയാണ് കാലിക്കറ്റിന്റെ എതിരാളികള്‍.