മട്ടന്നൂര്‍: മട്ടന്നൂര്‍ വായാന്തോട് പൂട്ടിയിട്ട വീട്ടില്‍ കവര്‍ച്ച. വയാംന്തോടിലെ എ മുഹമ്മദ് അഷറഫിന്റെ വീട്ടിലാണ് കവര്‍ച്ച നടന്നത്.
വീട്ടില്‍ സൂക്ഷിച്ച രണ്ടു പവന്‍ സ്വര്‍ണാഭരണവും 30,000 രൂപയും മോഷണം പോയി. മുഹമ്മദ് അഷറഫും കുടുംബവും കഴിഞ്ഞ ദിവം ബംഗലൂരുവിലേക്ക് പോയതായിരുന്നു. അഷറഫിന്റെ ഭാര്യ മാതാവ് വീട് വൃത്തിയാക്കാന്‍ എത്തിയപ്പോഴാണ് മോഷണം നടന്നത് ശ്രദ്ധയില്‍പ്പെട്ടത്. മുന്‍ഭാഗത്തെ വാതിലിന്റെ പൂട്ട് മുറിച്ചാണ് മോഷ്ടാക്കള്‍ അകത്തു കടന്നത്.
    കിടപ്പുമുറിയിലെ അലമാരയിലും മേശയിലുമായി സൂക്ഷിച്ച പണവും സ്വര്‍ണ്ണവുമാണ് മോഷണം പോയത്. മൂന്ന് വാച്ചുകളും നാണയങ്ങളും ഒരു താക്കോല്‍ കൂട്ടവും തുണിയില്‍ കെട്ടി പറമ്പില്‍ ഉപേക്ഷിച്ച നിലയിലും കണ്ടെത്തിയിട്ടുണ്ട്. മുഹമ്മദ് അഷറഫിന്റെ പരാതിയില്‍ മട്ടന്നൂര്‍ സി.ഐ സജു ജോസഫ് സ്ഥലത്തെത്തി പരിശോധന നടത്തി. പൊലിസ് നായയും വിരളടയാള വിദഗ്ദരും പരിശോധിച്ചു.