ജോഹന്നാസ്ബര്‍ഗ്: ദക്ഷിണാഫ്രിക്കന്‍ പര്യാടനത്തില്‍ നാലാം ഏകദിനത്തില്‍ ഇന്ത്യന്‍ ഓപണര്‍ ശിഖര്‍ ധവാന് സെഞ്ച്വറി. തന്റെ നൂറാം ഏകദിനം കളിക്കുന്ന ധവാന്‍ 105 പന്തില്‍ നിന്നും 109 റണ്‍സാണ് മത്സരത്തില്‍ എടുത്തത്. ടോസ് നേടി ആദ്യം ബാറ്റ് ചെയ്ത ഇന്ത്യ നിശ്ചിത ഓവറില്‍ ഏഴു വിക്കറ്റ് നഷ്ടത്തില്‍ 289 റണ്‍സെടുത്തു.

മത്സരത്തില്‍ നായകന്‍ വിരാട് കോഹ്‌ലി അര്‍ധസെഞ്ച്വറി നേടി. വിരാട് കോഹ്‌ലി (75), രോഹിത് ശര്‍മ (5), അജിങ്ക്യരഹാനെ (8), ശ്രേയസ് അയ്യര്‍ (18), ഹാര്‍ദിക് പാണ്ഡ്യ (9), ഭുവനേശ്വര്‍ കുമാര്‍ (5) എന്നിവരാണ് ധവാനു പുറമേ പുറത്തായ താരങ്ങള്‍. എം.എസ് ധോണി 42 റണ്‍സ് നേടി.