മണ്ണഞ്ചേരി:പൊന്നാട് ഗവ. എല്‍.പി സ്‌കൂള്‍ അറുപതാം വാര്‍ഷികാഘോഷത്തിന്റെ ഭാഗമായി 19ന് പൂര്‍വ്വ വിദ്യാര്‍ഥി സംഗമം,ഭക്ഷ്യമേള,സാംസ്‌ക്കാരിക ഘോഷയാത്ര,സാംസ്‌ക്കാരിക സമ്മേളനം,മെഗാഷോ എന്നിവ സംഘടിപ്പിക്കുമെന്ന് സംഘാടക സമിതി ജനറല്‍ കണ്‍വീനര്‍ വി എന്‍ നടരാജന്‍,ഹെഡ്മിസ്ട്രസ് കെ.ഇ എല്‍സമ്മ എന്നിവര്‍ വാര്‍ത്ത സമ്മേലനത്തില്‍ പറഞ്ഞു. രാവിലെ 9.30ന് പൂര്‍വ്വ വിദ്യാര്‍ഥികള്‍ സ്‌കൂളിന് നിര്‍മ്മിച്ച് നല്‍കിയ സ്റ്റേജ് സമര്‍പ്പണം. 10ന് രുചിക്കൂട്ട്-ഭക്ഷ്യമേള മന്ത്രി പി തിലോത്തമന്‍ ഉദ്ഘാടനം ചെയ്യും. കേരളാഭാഷാ ഇന്‍സ്റ്റിറ്റ്യൂട്ട് റിസര്‍ച്ച് ഓഫീസര്‍ സി അശോകന്‍ സംഗമം ഉദ്ഘാടനം ചെയ്യും.
പി.എച്ച് അഷ്‌റഫ് മുന്‍ അധ്യാപകരെ ആദരിക്കും. സംഘാടക സമിതി ചെയര്‍മാന്‍ എം.കെ രാജേന്ദ്രന്‍ അധ്യക്ഷത വഹിക്കും. വൈകിട്ട് 4.30ന് നടക്കുന്ന സാംസ്‌ക്കാരിക ഘോഷയാത്ര വാദ്യമേളങ്ങളുടെയും ബാന്റുമേളങ്ങളുടെയും അകമ്പടിയോടെ പള്ളിമുക്കില്‍ നിന്നാരംഭിച്ച് സ്‌കൂള്‍ അങ്കണത്തില്‍ എത്തിച്ചേരും. 6.30ന് സാസംക്കാരിക സമ്മേളനം കെ.സി വേണുഗോപാല്‍ എം.പി ഉദ്ഘാടനം ചെയ്യും. പഞ്ചായത്ത് പ്രസിഡന്റ് തങ്കമണിഗോപിനാഥ് അധ്യക്ഷത വഹിക്കും. എ.എം ആരിഫ് എം.എല്‍.എ മുഖ്യപ്രഭാഷണം നടത്തും.
ജില്ലാപഞ്ചായത്ത് പ്രസിഡന്റ് ജി വേണുഗോപാല്‍ മഹത് വ്യക്തികളേയും ബ്ലോക്ക് പഞ്ചായത്ത് പ്രസിഡന്റ് ഷീനാസനല്‍കുമാര്‍ പ്രതിഭകളേയും ആദരിക്കും. സീരിയല്‍ താരം ഗായത്രി വിശിഷ്ടാതിഥിയാകും. മൊമന്റോ സമര്‍പ്പണം എ മുഹമ്മദ് കുഞ്ഞ് നിര്‍വഹിക്കും. രാത്രി 8ന് സിനിമ-സീരിയല്‍ താരങ്ങള്‍ അവതരിപ്പിക്കുന്ന മെഗാഷോയുമുണ്ടാകും. സി.സി നിസാര്‍,എന്‍.കെ രാജേന്ദ്രന്‍,സജി എന്നിവരും വാര്‍ത്താസമ്മേളനത്തില്‍ പറഞ്ഞു.