ജിദ്ദ: ഹറം അങ്കണങ്ങളില്‍ സഊദി റെഡ് ക്രസന്റ് വക പുതിയ ഗോള്‍ഫ് വാഹനങ്ങള്‍. രോഗികളെയും യാത്രക്കാരെയും കൊണ്ടുപോകുന്നതിനാണു നൂതന സംവിധാനങ്ങളോടുകൂടിയ പുതിയ വാഹനങ്ങള്‍ ഒരുക്കിയിരിക്കുന്നത്.
തിരക്കിനിടയില്‍ സഞ്ചരിക്കാന്‍ പാകത്തില്‍ വലുപ്പം കുറഞ്ഞവയാണിത്. പ്രാഥമിക ശുശ്രൂഷ നല്‍കുന്നവര്‍ക്ക് എളുപ്പത്തില്‍ സേവനം നല്‍കാന്‍ സൗകര്യത്തിലാണ് ഇവ നിര്‍മിച്ചിരിക്കുന്നത്. നാല് ആംബുലന്‍സ് കേന്ദ്രങ്ങളാണ് ഹറം അങ്കണങ്ങളിലുള്ളത്. ഓരോ കേന്ദ്രത്തിനും ഓരോ ഗോള്‍ഫ് വണ്ടി എന്ന തോതിലാണ് ഒരുക്കിയിരിക്കുന്നത്.