മഞ്ചേരി: എസ്.കെ.എസ്.എസ്.എഫ് മദീന പാഷന്‍ ജില്ലാസമ്മേളന ഭാഗമായി ഇന്നു തുറക്കല്‍ എച്ച്.എം.എസ് സ്‌കൂള്‍ ഹാളില്‍ പ്രതിനിധി സമ്മേളനം നടക്കും. ജില്ലയിലെ 1200 യൂനിറ്റുകളില്‍ നിന്നായി ആറായിരം പേര്‍ ക്യാംപിനെത്തും. രാവിലെ ഒന്‍പതിന് സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി കെ ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. സമസ്ത ജില്ലാ ജനറല്‍ സെക്രട്ടറി പി കുഞ്ഞാണി മുസ്‌ലിയാര്‍ അധ്യക്ഷനാകും. കേന്ദ്ര മുശാവറ അംഗം കോട്ടുമല മൊയ്തീന്‍ കുട്ടി മുസ്‌ലയാര്‍ പ്രാര്‍ഥന നടത്തും. എസ്.വൈ.എസ് സംസ്ഥാനസെക്രട്ടറി അബ്ദുസമദ് പൂക്കോട്ടൂര്‍ മുഖ്യ പ്രഭാഷണം നടത്തും.
മുശാവറ അംഗം ഒ കുട്ടി മുസ്‌ലിയാര്‍ അമ്പലക്കടവ്, ഹാജി കെ മമ്മദ് ഫൈസി, കെ.എ റഹ്മാന്‍ ഫൈസി, ചെമ്മുക്കന്‍ കുഞ്ഞാപ്പു ഹാജി, വി.പി മുഹമ്മദലി സംസാരിക്കും. 10.30 ന് 'എസ്.കെ.എസ്.എസ്.എഫ് പുതു തലമുറക്കൊപ്പം' പ്രമേയത്തില്‍ ആദ്യ സെഷനില്‍ സി.എച്ച് ത്വയ്യിബ് ഫൈസി, റഹീം ചുഴലി ക്ലാസെടുക്കും. പുത്തനഴി മൊയ്തീന്‍ ഫൈസി, യു ശാഫി ഹാജി, കണ്ണിയന്‍ അബൂബക്കര്‍, അഡ്വ. നജ്മുല്‍ ബാബു പ്രസംഗിക്കും. 12ന് 'ആദര്‍ശ ഭദ്രത ആത്യന്തിക വിജയത്തിന്' സെഷനില്‍ അബ്ദുല്‍ ഗഫൂര്‍ അന്‍വരി മുതൂര്‍, എം.ടി അബൂബക്കര്‍ ദാരിമി ക്ലാസെടുക്കും. ഉച്ചക്ക് 2.30 ന് 'സമസ്ത: വിശ്വ ഇസ്‌ലാമിക ഏകകം' സെഷനില്‍ അബ്ദുല്‍ ഗഫൂര്‍ ഖാസിമി, ശറഫുദ്ദീന്‍ ഹുദവി ആനമങ്ങാട് ക്ലാസെടുക്കും. വൈകീട്ട് നാലിന് 'ഉസ്‌വത്തുന്‍ ഹസന ' പ്രമേയത്തി്ല്‍ സമാപന സെഷനില്‍ അബ്ദുല്‍ സലാം ഫൈസി ഒളവട്ടൂര്‍, ഡോ. സാലിം ഫൈസി കൊളത്തൂര്‍, ജലീല്‍ റഹ്മാനി വാണിയന്നൂര്‍ വിഷയമവതരിപ്പിക്കും. നാളെ വൈകീട്ട് 4.30ന് മഞ്ചേരി കച്ചേരിപ്പടിയിലൊരുക്കിയ ഹുദൈബിയ്യയില്‍ സമാപന സമ്മേളനം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും.