ഷിംല: കനത്ത മഞ്ഞുവീഴ്ച കാരണം ഹിമാചല്‍-ജമ്മുകശ്മിര്‍ ദേശീയ പാത അനിശ്ചിത കാലത്തേക്ക് അടച്ചു. ഞായറാഴ്ച മുതലാണ് കനത്ത മഞ്ഞുവീഴ്ച തുടങ്ങിയത്. റോഡില്‍ നിറയെ മഞ്ഞുകട്ട വീണതിനാല്‍ വഴുക്കുള്ള പ്രതലം അപകടത്തിന് സാധ്യത കൂട്ടുമെന്ന് കണ്ടാണ് ഗതാഗതം നിരോധിച്ചതെന്ന് മുതിര്‍ന്ന ഗതാഗത വകുപ്പ് ഉദ്യോഗസ്ഥന്‍ പറഞ്ഞു. നഗ്രോട്ട ചെക്ക് പോസ്റ്റില്‍ വാഹനങ്ങള്‍ തടയുന്നുണ്ടെന്ന് ഇരു സംസ്ഥാനങ്ങളിലെയും ഗതാഗത വകുപ്പ് ഉദ്യോഗസ്ഥര്‍ അറിയിച്ചു.
കനത്ത മൂടല്‍മഞ്ഞുകാരണം ശ്രീനഗര്‍ വിമാനത്താവളത്തിലും ഗതാഗതം തകരാറിലായി. കാഴ്ച പരിധി പരിമിതമായതോടെ വിമാനങ്ങള്‍ പലതും മറ്റിടങ്ങളിലേക്ക് വഴിതിരിച്ചു വിടുകയാണ്.