കാക്കനാട്: യു.ഡി.എഫ് നേതൃത്വത്തിലുള്ള എറണാകുളം ജില്ലാ സഹകരണ ബാങ്ക് ഭരണസമിതി സര്‍ക്കാര്‍ പിരിച്ചുവിട്ടു.സര്‍ക്കാര്‍ നിയോഗിച്ച മൂന്നംഗ ഭരണ നിര്‍വഹണ സമിതി ഇന്നലെ ചുമതയേറ്റു.
പി.ആര്‍ മുരളീധരന്‍ കണ്‍വീനറും എം.സി സുരേന്ദ്രന്‍, അറുമുഖന്‍ എന്നിവര്‍ അംഗങ്ങളായ സമിതിയാണു ചുമതലയേറ്റത്. നിലവിലെ യു.ഡി.എഫ് ഡയറക്ടര്‍ ബോര്‍ഡിനു പതിനൊന്ന് അംഗളുടെ ക്വാറം നഷ്ടപ്പെട്ട സാഹചര്യത്തിലായിരുന്നു നടപടി.
എന്‍.പി പൗലോസ് പ്രസിഡന്റായ ഡയറക്ടര്‍ ബോര്‍ഡില്‍ മുന്‍ സര്‍ക്കാരിന്റെ രണ്ടണ്ട് നോമിനികള്‍ ഉള്‍പ്പെടെ 12 അംഗങ്ങളുടെ ഭൂരിപക്ഷത്തിലായിരുന്ന യു.ഡി.എഫ് ഭരണം നടത്തിയിരുന്നത്. എന്നാല്‍ എല്‍.ഡി.എഫ് അധികാരത്തില്‍ എത്തിയതോടെ നിലവിലെ നോമിനികളെ പിന്‍വലിച്ച് പുതുതായി രണ്ടുപേരെ ഉള്‍പ്പെടുത്തിയതാണു ഭൂരിപക്ഷം നഷ്ടപ്പെടാന്‍ ഇടയാക്കിയത്. നേരത്തെ എല്‍.ഡി.എഫിനു ഒന്‍പത് അംഗങ്ങളുണ്ടായിരുന്നു ഡയറക്ടര്‍ ബോര്‍ഡില്‍. എന്നാല്‍ ഒരാളുടെ അംഗത്വം നഷ്ടപ്പെട്ടതോടെ എല്‍.ഡി.എഫ് അംഗങ്ങളുടെ എണ്ണം എട്ടായി കുറഞ്ഞിരുന്നു. ഇതിനിടെ എല്‍.ഡി.എഫ് സര്‍ക്കാര്‍ അധികാരത്തിലെത്തിയതോടെ രണ്ടണ്ട് നോമിനികളെ പിന്‍വലിച്ചത് യു.ഡി.എഫ് അംഗളുടെ ഭൂരിക്ഷം നഷ്ടപ്പെടാന്‍ ഇടയാക്കി.
ഇരുപക്ഷത്തും പത്ത്് വീതമായ ഡയറക്ടര്‍ ബോര്‍ഡില്‍ നിന്ന് എല്‍.ഡി.എഫിന്റെ മുഴുവന്‍ അംഗങ്ങളും രാജിവച്ചു. ഇതോടെ ക്വോറം തികയാന്‍ ഭരണസമിതിക്കു പതിനൊന്ന് അംഗളുടെ ഭൂരിപക്ഷം ഇല്ലെന്ന് ചൂണ്ടണ്ടിക്കാട്ടിയാണ് സര്‍ക്കാര്‍ ഡയറക്ടര്‍ ബോര്‍ഡ് പിരിച്ചുവിട്ടത്. യു.ഡി.എഫ് ഡയറക്ടര്‍ ബോര്‍ഡിന് അടുത്ത വര്‍ഷം മാര്‍ച്ച് വരെയായിരുന്നു ഭരണ കാലാവധി. ഭൂരിപക്ഷം നഷ്ടപ്പെട്ട ഡയറക്ടര്‍ ബോര്‍ഡ് പിരിച്ച് വിട്ട് മൂന്നംഗ ഭരണ നിര്‍വഹാക സമിതിയെ സര്‍ക്കാര്‍ ചുമതലപ്പെടുത്തുകയും ചെയ്തു.