കാക്കനാട്: സിഗ്‌നല്‍ ജങ്ഷനില്‍ ആര്‍.ബി.ഡി.സി (റോഡ് ആന്റ് ബ്രിഡ്ജസ് കോര്‍പറേഷന്‍) ഓഫിസ് കെട്ടിടനിര്‍മാണത്തില്‍ നിന്ന് പിന്നോട്ടില്ലെന്ന് മന്ത്രി ജി സുധാരകന്‍. കേരള മീഡിയ അക്കാദമിയില്‍ മത്തായി മാഞ്ഞൂരാന്‍ അനുസ്മരണ പ്രഭാഷണം നിര്‍വഹിച്ച ശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം.
ആര്‍.ബി.ഡി.സിയുടെ ബഹുനില ആസ്ഥന മന്ദിര നിര്‍മാണത്തിനെതിരെ നഗരസഭയും പൊതുതാല്‍പ്പര്യ സംരക്ഷണ സമിതിയും രംഗത്തെത്തിയ സാഹചര്യത്തിലാണ് മന്ത്രി നിലപാട് വ്യക്തമാക്കിയത്. നിര്‍ദിഷ്ട കെട്ടിട നിര്‍മാണം ഭാവിയില്‍ റോഡ് വികസനത്തെ പ്രതികൂലമായി ബാധിക്കുന്നമെന്ന് ചൂണ്ടിക്കാട്ടിയാണ് സംരക്ഷണ സമിയുടെ നേതൃത്വത്തില്‍ സമരരംഗത്തുള്ളത്.
ആസ്ഥന മന്ദിര നിര്‍മാണ നീക്കത്തില്‍ പ്രതിഷേധിച്ച് സംരക്ഷണ സമിയുടെ നേതൃത്വത്തില്‍ കഴിഞ്ഞ ദിവസം ധര്‍ണയും സംഘടിപ്പിച്ചു. മീഡിയ അക്കാദമിക്ക് സമീപം സിഗ്‌നല്‍ ജങ്ഷനില്‍ ആര്‍.ബി.ഡി.സി ആസ്ഥന മന്ദിര നിര്‍മാണത്തിനെതിരെ തൃക്കാക്കര പൊതുതാല്‍പ്പര്യ സംരക്ഷണ സമിതി പ്രവര്‍ത്തകര്‍ ഇന്നലെ മന്ത്രിക്ക് നിവേദനം നല്‍കി.