തൊടുപുഴ: രണ്ടു ദിവസമായി നടന്നു വന്ന ടിമ്പര്‍ മര്‍ച്ചന്റസ് അസോസിയേഷന്‍ സംസ്ഥാന സമ്മേളനം സമാപിച്ചു. മങ്ങാട്ടുകവലയില്‍ നിന്നാരംഭിച്ച പ്രകടനത്തിന് സംസ്ഥാന പ്രസിഡന്റ് അസീസ് പാണ്ടിയാരപ്പിളളി, ജനറല്‍ സെക്രട്ടറി ജയ്‌മോന്‍ പുളിന്താനം, ജില്ലാ പ്രസിഡന്റ് സുനില്‍ കാഞ്ഞാര്‍, സി.കെ ജബ്ബാര്‍, സുബൈര്‍ കുരുപ്പിത്തടം നേതൃത്വം നല്‍കി.
മുനിസിപ്പല്‍ മൈതാനിയില്‍ ( ചാലക്കര കുഞ്ഞപ്പന്‍ നഗര്‍) വൈദ്യുതി മന്ത്രി എം.എം മണി പൊതുസമ്മേളനം ഉദ്ഘാടനം ചെയ്തു.
ഇ.എസ് ബിജിമോള്‍ എം.എല്‍.എ മുതിര്‍ന്ന തടിവ്യാപാരികളെ ആദരിച്ചു. മുന്‍ എം.പി ഫ്രാന്‍സീസ് ജോര്‍ജ്, സി.പി.ഐ ജില്ലാ സെക്രട്ടറി കെ.കെ ശിവരാമന്‍, വ്യാപാരി വ്യവസായി ഏകോപന സമതി ഉപാധ്യക്ഷന്‍ മാരിയില്‍ കൃഷ്ണന്‍ നായര്‍, സി.പി.എം ഏരിയാ സെക്രട്ടറി മുഹമ്മദ് ഫൈസല്‍ തുടങ്ങിയവര്‍ പ്രസംഗിച്ചു.