തൊടുപുഴ: നഗരത്തില്‍ രണ്ടിടങ്ങളില്‍ തീപിടിത്തം. ഇടുക്കി റോഡില്‍ സെന്റ് മേരീസ് ആശുപത്രിയുടെ സമീപത്ത് വിജയന്റെ സ്ഥലത്താണ് ഇന്നലെ ഉച്ചയ്ക്ക് 1.15ന് കരിയിലക്കു തീപിടിച്ചത്.
മണക്കാട് ചിറ്റൂര്‍ ആല്‍പ്പാറ ശിവക്ഷേത്രത്തിനു സമീപം ജോര്‍ജ് മാത്യൂ കാരമയിലിന്റെ പുരയിടത്തിലെ നാല് വര്‍ഷം പ്രായമായ അന്‍പതോളം റബര്‍ മരങ്ങള്‍ തീപിടിത്തത്തില്‍ നശിച്ചു. ഇന്നലെ വൈകുന്നേരം 4.45ഓടേയാണ് തീ പിടിച്ചത്. തുടര്‍ന്ന് ഫയര്‍ഫോഴ്‌സിനെ വിവരമറിയിച്ചെങ്കിലും വാഹനുമായി സംഘത്തിനു സംഭവ സ്ഥലത്ത് എത്താന്‍ സാധിച്ചില്ല . ഇതുവഴി വലിയ വാഹനങ്ങള്‍ കടന്നു പോകാന്‍ സാധിക്കാത്താണ് കാരണമെന്ന് ഫയര്‍ഫോഴ്‌സ് ഉദ്യോഗസ്ഥര്‍ പറഞ്ഞു.