ന്യൂഡല്‍ഹി: 2008 സെപ്റ്റംബറിലെ ബട്‌ല ഹൗസ് ഏറ്റുമുട്ടലിനിടയില്‍ രക്ഷപ്പെട്ട ഇന്ത്യന്‍ മുജാഹിദീന്‍ പ്രവര്‍ത്തകനായ ആരിസ് ഖാന്‍ എന്ന ജുനൈദിനെ ഡല്‍ഹി പൊലിസിലെ സ്‌പെഷല്‍ സെല്‍ അറസ്റ്റ് ചെയ്തു.
ബട്‌ല ഹൗസ് ഏറ്റുമുട്ടലില്‍ രണ്ട് ഭീകരര്‍ കൊല്ലപ്പെടുകയും രണ്ടുപേരെ പിടികൂടുകയും ചെയ്തിരുന്നു. സംഭവത്തില്‍ ഭീകരരുടെ വെടിയേറ്റ് മോഹന്‍ ചന്ദ് എന്ന പൊലിസ് ഉദ്യോഗസ്ഥന്‍ കൊല്ലപ്പെട്ടിരുന്നു. അന്ന് രക്ഷപ്പെട്ട ജുനൈദിനെ ഇന്നലെ ഇന്‍ഡോ-നേപ്പാള്‍ അതിര്‍ത്തിയില്‍ വച്ചാണ് പൊലിസ് അറസ്റ്റ് ചെയ്തത്.
ഉത്തര്‍പ്രദേശിലെ അസംഗഡ് സ്വദേശിയായ ഇയാള്‍ എന്‍ജിനീയറിങ് ബിരുദ ധാരിയാണ്. 10 ലക്ഷം രൂപ ഇയാളുടെ തലക്ക് എന്‍.ഐ.എ വിലയിട്ടിരുന്നു.