തിരുവനന്തപുരം: പ്രശസ്ത ഹിന്ദി സിനിമാസംവിധായകനും ക്യാമറമാനുമായ എ.കെ. ബീര്‍ ചെയര്‍മാനായി കേരള ഗവണ്‍മെന്റിന്റെ ചലച്ചിത്ര അവാര്‍ഡ് കമ്മിറ്റി രൂപീകരിച്ചു. സംവിധായകരായ പ്രിയനന്ദനന്‍, സുന്ദര്‍ദാസ്, സുദേവന്‍, തിരക്കഥാകൃത്ത് പി.എഫ്. മാത്യൂസ്, നടി ശാന്തികൃഷ്ണ, സൗണ്ട് എന്‍ജിനീയര്‍ അരുണ്‍ നമ്പ്യാര്‍, സിനിമാ നിരൂപകയും എഴുത്തുകാരിയുമായ ഡോ. മീന. ടി. പിള്ള, സംഗീതജ്ഞന്‍ വി.റ്റി.മുരളി എന്നിവര്‍ അംഗങ്ങളും ചലച്ചിത്ര അക്കാദമി സെക്രട്ടറി മഹേഷ് പഞ്ചു മെമ്പര്‍ സെക്രട്ടറിയുമാണ്. സിനിമാ സംബന്ധിയായ പുസ്തകങ്ങള്‍ക്കും ലേഖനങ്ങള്‍ക്കുമുള്ള മികച്ച രചനകള്‍ തിരഞ്ഞെടുക്കാന്‍ മലയാളം സര്‍വ്വകലാശാല വൈസ് ചാന്‍സിലര്‍ കെ. ജയകുമാര്‍ ചെയര്‍മാനായും കമ്മിറ്റി രൂപീകരിച്ചു.