വാഷിങ്ടണ്‍: മ്യാന്‍മര്‍ സര്‍ക്കാരിന് റോഹിംഗ്യകളോടുള്ള സമീപനത്തില്‍ ശക്തമായ വിമര്‍ശനവുമയി യു.എസ്. റോഹിംഗ്യന്‍ മുസ്‌ലികളുടെ മ്യാന്‍മറിലെ ജീവിതം വധശിക്ഷക്ക് തുല്യമാണെന്ന് യു.എന്നിലെ യു.എസ് അംബാസഡര്‍ നിക്കിഹാലെ പറഞ്ഞു.
യു.എന്‍ രക്ഷാസമിതിയില്‍ റോഹിംഗ്യകളുടെ കൂട്ടക്കുഴിമാടം കണ്ടെത്തിയതിനെ ഉദ്ധരിച്ച് സംസാരിക്കുകയായിരുന്നു അവര്‍. മ്യാന്‍മര്‍ സൈന്യത്തിന്റെ അക്രമത്തില്‍നിന്ന് രക്ഷപ്പെട്ട് ബംഗ്ലാദേശില്‍ അഭയം തേടിയ നൂര്‍ കാദറെന്ന അഭയാര്‍ഥിയുടെ അനുഭവം വിവരിച്ചായിരുന്നു നിക്കിഹാലെയുടെ പ്രസംഗം ആരംഭിച്ചത്.