സോനപൂര്‍: പ്ലസ് ടു വിദ്യാര്‍ഥിനിയെ കാമുകനും സുഹൃത്തുക്കളും ചേര്‍ന്ന് ബലാത്സംഗം ചെയ്തു. സോനാപൂരിലെ സൗത്ത് 24 പാരഗന്‍സ് ജില്ലയിലുള്ള രത്താലയില്‍ ചൊവ്വാഴ്ച രാത്രിയാണ് സംഭവം നടന്നത്. സംഭവത്തില്‍ മൂന്ന് പേരെ പൊലിസ് അറസ്റ്റ് ചെയ്തു. നാലാമന്‍ ഒളിവിലാണ്. പെണ്‍കുട്ടിയുടെ നില അതീവഗുരുതരമാണ്.

പെണ്‍കുട്ടിയുടെ കാമുകന്‍ പിറന്നളാഘോഷത്തിനെന്ന വ്യാജേന തന്റെ അങ്കിളിന്റെ വീട്ടിലേക്ക് വിളിക്കുകയായിരുന്നു. എന്നാല്‍,പെണ്‍കുട്ടി വീട്ടിലെത്തിയപ്പോള്‍ കുടുംബാംഗങ്ങള്‍ ആരുമുണ്ടായിരുന്നില്ല. കാമുകനും സുഹൃത്തുക്കളും മദ്യപിക്കുന്ന കാഴ്ചയാണ് വിദ്യാര്‍ഥിനി കണ്ടത്.

 പിന്നീട് ഇവര്‍ തന്ത്രത്തില്‍  പെണ്‍കുട്ടിയെ മയക്കു മരുന്ന് ചേര്‍ന്ന മദ്യം കുടിപ്പിച്ചു. മയക്കത്തിലായ കുട്ടിയെ ബലാത്സംഗത്തിനിരയാക്കി. കുടുംബാംഗങ്ങള്‍ എത്തിയപ്പോള്‍ രക്തം വാര്‍ന്നു കിടക്കുന്ന പെണ്‍കുട്ടിയെയാണ് കണ്ടത്. ഉടന്‍ തന്നെ വീട്ടുകാരെ അറിയിച്ചു. അപകടം സംഭവിച്ചുവെന്നാണ് കാമുകന്റെ അമ്മാവന്‍ പെണ്‍കുട്ടിയുടെ വീട്ടുകാരോട് പറഞ്ഞത്. എന്നാല്‍ വീട്ടുകാര്‍ ഇത് വിശ്വസിച്ചില്ല.

തുടര്‍ന്ന് വീട്ടുകാര്‍ സോനാപൂര്‍ സ്റ്റേഷനില്‍ കാമുകനെതിരെ പരാതി നല്‍കുകയായിരുന്നു.