ലണ്ടന്‍: ചെല്‍സി, ടോട്ടനം ഹോട്‌സ്പര്‍ ടീമുകള്‍ എഫ്.എ കപ്പിന്റെ ക്വാര്‍ട്ടറിലേക്ക് മുന്നേറി. ചെല്‍സി മറുപടിയില്ലാത്ത രണ്ടു ഗോളുകള്‍ക്ക് വോള്‍വര്‍ഹാംപ്റ്റനെ പരാജയപ്പെടുത്തിയപ്പോള്‍ ടോട്ടനം 3-0ത്തിനു ഫുള്‍ഹാമിനെ വീഴ്ത്തി.
നായകന്‍ ഹാരി കെയ്ന്‍ ഹാട്രിക്ക് ഗോളുകളുമായി കളം നിറഞ്ഞ പോരാട്ടത്തിലാണ് ഫുള്‍ഹാമിനെ മറുപടിയില്ലാത്ത മൂന്നു ഗോളുകള്‍ക്ക് ടോട്ടനം വീഴ്ത്തിയത്. കളിയുടെ 16, 51, 76 മിനുട്ടുകളിലാണു കെയ്ന്‍ വല ചലിപ്പിച്ചത്.
പെഡ്രോ, ഡീഗോ കോസ്റ്റ എന്നിവര്‍ രണ്ടാം പകുതിയില്‍ നേടിയ ഗോളുകളാണു ചെല്‍സിക്ക് വിജയം സമ്മാനിച്ചത്.