ഗുവാഹത്തി: അസമിലെ മാജുലിയില്‍ വ്യോമ സേനയുടെ ചെറുവിമാനം തകര്‍ന്ന് രണ്ട് പൈലറ്റുമാര്‍ മരിച്ചു. ഇന്നലെ ഉച്ചക്ക് 12.30ഓടെയാണ് എസ്.ഡബ്ല്യു വിഭാഗത്തില്‍ പെട്ട ചെറുവിമാനം തകര്‍ന്നുവീണത്.
ബ്രഹ്മപുത്ര നദിക്ക് മധ്യേയുള്ള മാജുലി ദ്വീപിലെ ഒറ്റപ്പെട്ട പ്രദേശത്താണ് വിമാനം തകര്‍ന്നുവീണതെന്ന് വ്യോമ സേനാ വക്താവ് അറിയിച്ചു. വിങ് കമാന്‍ഡര്‍ ജെയ് പോള്‍ ജെയിംസ്, ടി.വാറ്റ്‌സ് എന്നിവരാണ് മരിച്ചത്. പതിവ് പരിശീലന പറക്കലിനിടയിലായിരുന്നു അപകടം.
വിമാനം തകര്‍ന്നുവീണ വിവരം പ്രദേശ വാസികളാണ് അറിയിച്ചതെന്ന് മാജുലി ഡെപ്യൂട്ടി കമ്മിഷണര്‍ പല്ലവ് ഗോപാല്‍ ഝാ പറഞ്ഞു.