ഗാലക്‌സി എസ് 8, എസ്8പ്ലസിലേക്ക് ഓറിയോ ആന്‍ഡ്രോയിഡ് അപ്‌ഡേറ്റ് ചെയ്യുന്നത് സാംസങ് നിര്‍ത്തിവെച്ചു.
ഓറിയോ അപ്പ്‌ഡേറ്റ് ചെയ്തിനുശേഷം മൊബൈല്‍ ഫോണകള്‍ റീബൂട്ടാവുന്നുണ്ടെന്ന് ചില ഉപഭോക്താക്കള്‍ പരാതി പറഞ്ഞിരുന്നു. ഇതിനെ തുടര്‍ന്നാണ് ഓറിയോയുടെ അപ്പഡേഷന്‍ നിര്‍ത്തിവയ്ക്കുന്നതെന്നാണ് സാംസങ് അധികൃതര്‍ നല്‍കുന്ന വിശദ്ദീകരണം.

് ഉപഭോക്താക്കളുടെ പ്രയാസങ്ങള്‍ മനസിലാക്കിയാണ് ഓറിയോയുടെ അപ്‌ഡേഷന്‍ സാംസങ് നിര്‍ത്തിവച്ചത്. ഈ സംഭവത്തെകുറിച്ച് അന്വേഷിക്കാനും സാംസങ്ങ് തീരുമാനിച്ചിട്ടുണ്ട്. ഒറിയോയുടെ പുതിയപതിപ്പ് ഉടന്‍ പുറത്തിറക്കുമെന്ന് സാംസങ്ങ് അധികൃതര്‍ പത്രകുറിപ്പിലൂടെ അറിയിച്ചു.

ഓറിയോ അപ്പ്‌ഡേറ്റ് ചെയ്യുന്ന സമയത്ത് ഗാലക്‌സി എസ്8, എസ്8പ്ലസിനും റിബൂട്ട് പ്രശ്‌നമുണ്ടായിട്ടുണ്ട്. എന്നാല്‍ ഇത് കുറച്ചുപേര്‍ക്കു മാത്രമാണെന്നും സാംസങ്ങ് അധികൃതര്‍ പറഞ്ഞു. ഈ റീബൂട്ട് പ്രശ്‌നത്തെക്കുറിച്ച് വിശദമായി അന്വേഷിക്കുമെന്നും ഉടന്‍ തന്നെ ഓറിയോയുടെ പുതിയ പതിപ്പിറക്കുമെന്നും ദക്ഷിണ കൊറിയന്‍ സാമാര്‍ട്ട്‌ഫോണ്‍ നിര്‍മാതാക്കള്‍ പറഞ്ഞു.
ഗാലക്‌സി എസ്8, എസ്8പ്ലസില്‍ ഓറിയോ 8.0 ആന്‍ഡ്രോയിഡ് അപ്പ്‌ഡേറ്റ് ചെയ്താലും ഇന്‍സ്റ്റാലാവില്ല. ഡൗണ്‍ലോഡ് ചെയ്ത് അപ്ലിക്കേഷന്‍ എല്ലാം ഇല്ലാതാവുകയും ചെയ്യും.
ഓറിയോയുടെ പുതിയ പതിപ്പിറക്കുമെന്ന് സാംസങ്ങ് പറഞ്ഞിട്ടുണ്ടെങ്കിലും അത് എന്നായിരിക്കുമെന്ന കാര്യത്തിലുറപ്പില്ല.