റിയാദ്: സഊദിയില്‍ ഖബറിടങ്ങള്‍ സന്ദര്‍ശിക്കുന്നതിനു വനിതകളെ അനുവദിക്കണമെന്ന് ശൂറാ കൗണ്‍സില്‍ അംഗം ശൈഖ് ഡോ. ഈസ അല്‍ ഗൈത്ത് ആവശ്യപ്പെട്ടു. വ്യവസ്ഥകള്‍ പൂര്‍ണമായും പാലിച്ച് സ്ത്രീകള്‍ ഖബറിടങ്ങള്‍ സന്ദര്‍ശിക്കുന്നത് അനുവദനീയമാണെന്ന് ഈസ അല്‍ ഗൈത്ത് പറഞ്ഞു.
ഖബറിടങ്ങള്‍ സന്ദര്‍ശിക്കുന്നതിനു സ്ത്രീകളെ അനുവദിക്കുന്നതു കൃത്യമായ വ്യവസ്ഥകള്‍ പാലിച്ചുകൊണ്ടായിരിക്കണം. ബന്ധുക്കളുടെ അനന്തരചടങ്ങുകളില്‍ പങ്കെടുക്കുന്നതിന് അവസരം നിഷേധിക്കപ്പെട്ടതുമൂലമുള്ള പ്രയാസങ്ങള്‍ ദൂരീകരിക്കാന്‍ ഖബറിടസന്ദര്‍ശനത്തിന് സ്ത്രീകളെ അനുവദിക്കുകയാണു വേണ്ടത്-അദ്ദേഹം പറഞ്ഞു.