ദോഹ: ഗള്‍ഫ് ഉപരോധത്താല്‍ വിച്ഛേദിച്ചിരുന്ന ആഫ്രിക്കന്‍ രാജ്യമായ ഛാഡുമായുള്ള നയതന്ത്ര ബന്ധം ഖത്തര്‍ പുന:സ്ഥാപിച്ചു. ഇരുരാജ്യങ്ങളും മെമ്മോറണ്ടം ഓഫ് അണ്ടര്‍സ്റ്റാന്‍ഡിങ്ങില്‍ ഒപ്പുവച്ചുവെന്ന് ഖത്തര്‍ വിദേശകാര്യമന്ത്രി മുഹമ്മദ് ബിന്‍ അബ്ദുറഹ്മാന്‍ അല്‍ ഥാനി പറഞ്ഞു.
കഴിഞ്ഞ ഓഗസ്റ്റില്‍ ഗള്‍ഫ് ഉപരോധത്തെ തുടര്‍ന്ന് ഇരു രാജ്യങ്ങള്‍ക്കിടയിലെയും ബന്ധം നിലച്ചിരുന്നു. ഛാഡ് വിദേശകാര്യ മന്ത്രി ഷെരിഫ് മഹമദ് സെനുമായി ദോഹയില്‍ നടത്തിയ കൂടിക്കാഴ്ചയിലാണ് നയതന്ത്ര ബന്ധം പുന:സ്ഥാപിക്കാന്‍ തീരുമാനിച്ചത്. ഉഭയ കക്ഷി ബന്ധങ്ങള്‍ ഊര്‍ജിതമാക്കുന്നത് സംബന്ധിച്ച് ഇരു രാജ്യങ്ങളിലെ വിദേശകാര്യ മന്ത്രിമാര്‍ യോഗത്തില്‍ ചര്‍ച്ച ചെയ്തു.