കോയമ്പത്തൂര്‍: ആലപ്പുഴ - ധന്‍ബാദ് സൂപ്പര്‍ ഫാസ്റ്റ് എക്‌സ്പ്രസില്‍ തീപിടിത്തം. കോയമ്പത്തൂരില്‍ നിന്ന് തിരിപ്പൂരിലേക്കുള്ള യാത്രാ മധ്യേയാണ് കംപാര്‍ട്ട്‌മെന്റില്‍ നിന്ന് തീയും പുകയും ഉയരുന്നത് കണ്ടത്.
തുടര്‍ന്ന് വണ്ടി ഊത്തുകുളിയില്‍ നിര്‍ത്തിയ ശേഷം അഗ്‌നിശമന വിഭാഗം എത്തിയാണ് തീയണച്ചത്. ഇന്നലെ ഉച്ചയ്ക്ക് ഒന്നരയോടെയാണ് സംഭവം. കംപാര്‍ട്ട്‌മെന്റുകളിലൊന്നിന്റെ ബ്രേക്കിങ് സംവിധാനത്തിനാണ് തീപിടിച്ചതെന്ന് റെയില്‍വേ അധികൃതര്‍ അറിയിച്ചു. യഥാസമയം അഗ്നിബാധ കണ്ടെത്തി ട്രെയിന്‍ നിര്‍ത്താനായതാണ് വന്‍ദുരന്തം ഒഴിവാക്കിയത്. അഗ്നിബാധ യഥാസമയം കണ്ടിരുന്നില്ലെങ്കില്‍ തിരുപ്പൂരിന് ശേഷം അതിവേഗതയില്‍ സഞ്ചരിക്കുന്ന ട്രെയിനില്‍ തീ പടര്‍ന്ന് പിടിക്കാനുള്ള സാധ്യതയും ഉണ്ടായിരുന്നു. ട്രെയിന്‍ പിന്നീട് യാത്ര തുടര്‍ന്നു.