കേപ് ടൗണ്‍: ദക്ഷിണാഫ്രിക്കയ്‌ക്കെതിരായ അവസാന ടി20 പോരാട്ടത്തില്‍ ഇന്ത്യ ഏഴ് വിക്കറ്റ് നഷ്ടത്തില്‍ 172 റണ്‍സെടുത്തു. ആദ്യം ബാറ്റ് ചെയ്ത ഇന്ത്യ ശിഖര്‍ ധവാന്‍ (40 പന്തില്‍ 47), സുരേഷ് റെയ്‌ന (27 പന്തില്‍ 43) എന്നിവരുടെ ബാറ്റിങ് മികവിലാണ് പൊരുതാവുന്ന സ്‌കോറിലെത്തിയത്.
ടോസ് നേടി ദക്ഷിണാഫ്രിക്ക ഇന്ത്യയെ ബാറ്റിങിനയക്കുകയായിരുന്നു. പരുക്കിനെ തുടര്‍ന്ന് ക്യാപ്റ്റന്‍ വിരാട് കോഹ്‌ലി വിട്ടുനിന്ന പോരാട്ടത്തില്‍ രോഹിത് ശര്‍മയാണ് ഇന്ത്യയെ നയിച്ചത്. ദിനേഷ് കാര്‍ത്തിക്, അക്‌സര്‍ പട്ടേല്‍ എന്നിവരും ടീമിലെത്തി. മനീഷ് പാണ്ഡെ (13), ഹര്‍ദിക് പാണ്ഡ്യ (21), ധോണി (12), കാര്‍ത്തിക് (13) എന്നിവരും രണ്ടക്കം കടന്നു. ദക്ഷിണാഫ്രിക്കയ്ക്കായി ഡാല മൂന്നും മോറിസ് രണ്ടും ഷംസി ഒരു വിക്കറ്റുമെടുത്തു.