ജിദ്ദ: തബൂക്കില്‍ തൊഴിലാളികള്‍ സഞ്ചരിച്ച ബസ് മറിഞ്ഞ് 32 പേര്‍ക്ക് പരിക്ക്. വ്യാഴം ഉച്ചക്ക് തബൂക്കിലെ അല്‍വജ്ഹ് മേഖലയിലെ ദൂബ റോഡിലായിരുന്നു അപകടം.

ഇന്ത്യ, പാകിസ്താന്‍ രാജ്യക്കാരായ തൊഴിലാളികള്‍ സഞ്ചരിച്ച ബസാണ് മറിഞ്ഞത്. ഒരു കമ്പനിക്ക് കീഴിലെ തൊഴിലാളികളാണിവര്‍. പരിക്കേറ്റവരെ മേഖലയിലെ വിവിധ ആശുപത്രികളില്‍ പ്രവേശിപ്പിച്ചു.
43 ഓളം തൊഴിലാളികള്‍ സഞ്ചരിച്ച ബസ്സാണ് അപകടത്തില്‍പ്പെട്ടതെന്ന് തബൂക്ക് മേഖല റെഡ്ക്രസന്റ് വക്താവ് ഖാലിദ് അല്‍അന്‍സി പറഞ്ഞു.