കണ്ണൂര്‍: മട്ടന്നൂരില്‍ കൊല്ലപ്പെട്ട യൂത്ത് കോണ്‍ഗ്രസ് ബ്ലോക്ക് മണ്ഡലം സെക്രട്ടറി ശുഹൈബിനെ വെട്ടിക്കൊലപ്പെടുത്താന്‍ ഉപയോഗിച്ചെന്ന് കരുതുന്ന ആയുധങ്ങള്‍ പൊലിസ് കണ്ടെടുത്തു. മട്ടന്നൂര്‍ വെള്ളപ്പറമ്പില്‍ നിന്നാണ് മൂന്ന് വാളുകള്‍ കണ്ടെടുത്തത്. ഇവ പൊലിസ് കാവലില്‍ ഫൊറന്‍സിക് ലാബിലേക്ക് മാറ്റി.

കൊലപാതകം നടന്നതിന് രണ്ടു കിലോമീറ്റര്‍ അകലെയാണ് ഈ ആയുധങ്ങള്‍ കണ്ടെത്തിയത്. നേരത്തെ പ്രദേശത്തു നിന്നും ഒരു വാള്‍ ലഭിച്ചിരുന്നു.

ആയുധങ്ങള്‍ ഇത്രദിവസമായിട്ടും എന്തുകൊണ്ട് കണ്ടെടുത്തില്ലെന്ന് ഹൈക്കോടതി കഴിഞ്ഞ ദിവസം സര്‍ക്കാരിനോട് ചോദിച്ചിരുന്നു. കൊലയ്ക്ക് പ്രതികള്‍ ഉപയോഗിച്ച ആയുധങ്ങള്‍ തന്നെയാണോ കണ്ടെടുത്തതെന്ന് പൊലിസ് പരിശോധിച്ചുവരികയാണ്.