കോട്ടയം :കേരള കോണ്‍ഗ്രസ് (എം) പിന്തുണയില്‍ ഉഴവൂര്‍ പഞ്ചായത്തില്‍ ബി.ജെ.പി അംഗം വൈസ് പ്രസിഡന്റായി തെരഞ്ഞെടുക്കപ്പെട്ടു. പഞ്ചായത്ത് 10ാം വാര്‍ഡ് അംഗം വി.ടി സുരേഷാണ് മാണി ഗ്രൂപ്പ് പിന്തുണയോടെ വൈസ് പ്രസിഡന്റായത്.
കോണ്‍ഗ്രസും മാണി വിഭാഗവും തമ്മില്‍ രൂക്ഷമായ ഭിന്നത നിലനില്‍ക്കുന്ന പഞ്ചായത്താണ് ഉഴവൂര്‍. കോണ്‍ഗ്രസ് അംഗം പി.എല്‍ എബ്രഹാം ആയിരുന്നു വൈസ് പ്രസിഡന്റ്. 12ാം വാര്‍ഡ് അംഗം തോമസ് ജോസഫായിരുന്നു കോണ്‍ഗ്രസ് സ്ഥാനാര്‍ഥി.