തിരുവനന്തപുരം: മട്ടന്നൂര്‍ യൂത്ത്‌കോണ്‍ഗ്രസ് നേതാവ് ശുഹൈബിന്റെ മരണം സി.ബി.ഐ അന്വേഷിക്കുക, കേരളത്തിലെ അരുംകൊലകള്‍ അവസാനിപ്പിക്കുക എന്നീ ആവശ്യങ്ങള്‍ ഉന്നയിച്ചും കേന്ദ്രസംസ്ഥാന സര്‍ക്കാരുകളുടെ ജനവിരുദ്ധ നയങ്ങള്‍ക്കെതിരേയും വിലക്കയറ്റം പിടിച്ച് നിര്‍ത്താന്‍ സര്‍ക്കാര്‍ ഇടപെടാത്തതില്‍ പ്രതിഷേധിച്ചും യു.ഡി.എഫ് 140 നിയോജകമണ്ഡലങ്ങളിലും നാളെ രാപകല്‍ സമരം നടത്തും.
രാവിലെ ആരംഭിക്കുന്ന സമരം നാലിന് രാവിലെ സമാപിക്കും. കോണ്‍ഗ്രസിന്റെയും യു.ഡി.എഫ് ഘടകകക്ഷികളുടെയും നേതാക്കള്‍ വിവിധ കേന്ദ്രങ്ങളില്‍ പങ്കെടുക്കുമെന്നു യു.ഡി.എഫ് കണ്‍വീനര്‍ പി.പി തങ്കച്ചന്‍ അറിയിച്ചു.