ബിര്‍മിങ്ഹാം: ഹീറ്റ്‌സില്‍ മത്സരിച്ച എല്ലാ താരങ്ങളും ഫൈനല്‍ റൗണ്ടിലേക്കെത്താതെ അയോഗ്യരായി ചരിത്രമെഴുതി. ലോക ഇന്‍ഡോര്‍ അത്‌ലറ്റിക്‌സ് ചാംപ്യന്‍ഷിപ്പിന്റെ 400 മീറ്റര്‍ ഹീറ്റ്‌സാണ് അപൂര്‍വമായൊരു പുറത്താകലിന് വേദിയായത്. ഫൗള്‍ സ്റ്റാര്‍ട്ടിനെ തുടര്‍ന്ന് ഖത്തറിന്റെ അബ്ദലെലഹ് ഹറൂണാണ് ആദ്യം പുറത്തായത്. പിന്നാലെ ഗ്രെനാഡയുടെ ബ്രലോണ്‍ ടപ്‌ലിന്‍, ജമൈക്കയുടെ സ്റ്റീവന്‍ ഗെയ്ല്‍, ലാത്വിയന്‍ താരം ഓസ്ട്രിസ് കര്‍പിന്‍സ്‌കിസ്, ബഹാമാസിന്റെ അലോണ്‍സോ റസ്സല്‍ എന്നിവരും പുറത്തായി. നാല് താരങ്ങളും ലൈന്‍ തെറ്റിച്ച് ഓടിയാണ് അയോഗ്യരായത്. ഒരു മേജര്‍ ചാംപ്യന്‍ഷിപ്പില്‍ ഇതാദ്യമായാണ് ഒരു ഹീറ്റ്‌സില്‍ മത്സരിച്ച എല്ലാ താരങ്ങളുടെ യോഗ്യത നേടാതെ പുറത്താകുന്നത്. അതേസമയം താരങ്ങള്‍ മുഴുവന്‍ അയോഗ്യരാക്കപ്പെട്ട സംഭവത്തില്‍ അപ്പീല്‍ നല്‍കിയിട്ടുണ്ട്.