തിരുവനന്തപുരം: ടി. പത്മനാഭന്‍ സാംസ്‌കാരികോത്സവത്തോട് അനുബന്ധിച്ചു നടക്കുന്ന രേഖാ ചിത്രീകരണ ക്യാംപിലെ രചനകളുടെ പ്രദര്‍ശനം ഈ മാസം ആറു മുതല്‍ 10 വരെ കണ്ണൂരില്‍ നടക്കും. ലളിതകലാ അക്കാദമിയുടെ ആഭിമുഖ്യത്തിലാണ് ടി. പത്മനാഭന്‍ സാംസ്‌കാരികോത്സവം സംഘടിപ്പിക്കുന്നത്.
രേഖാ ചിത്രീകരണ രംഗത്തെ പ്രമുഖരായ 11 പേര്‍ പങ്കെടുക്കുന്ന ക്യാംപില്‍ ഫൈന്‍ ആര്‍ട്‌സ് കോളജുകളില്‍ നിന്ന് തിരഞ്ഞെടുക്കപ്പെട്ട വിദ്യാര്‍ഥികളെയും ഉള്‍പ്പെടുത്തിയിട്ടുണ്ട്. ഒന്‍പതിന് എറണാകുളം ബോള്‍ഗാട്ടി പാലസില്‍ 'കല, സമൂഹം, ഫാസിസം' വിഷയത്തില്‍ സെമിനാറും നടക്കും.