ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ ഇന്നലെ നടന്ന മത്സരത്തില്‍ ബേണ്‍ലി എഫ്. സി ഒരു ഗോളിന് എവര്‍ട്ടണെ പരാജയപ്പെടുത്തി. ബേണ്‍ലിക്ക് വേണ്ടി 56ാം മിനുട്ടില്‍ ആശ്ലി ബേണ്‍ലിയും ക്രിസ് വുഡും ഗോളുള്‍ നേടി. ടൂസന്റെ വകയായിരുന്നു എവര്‍ട്ടന്റെ ആശ്വാസ ഗോള്‍. 86ാം മിനുട്ടില്‍ എവര്‍ട്ടന്റെ ആശ്ലി വില്യംസ് ചുവപ്പ് കാര്‍ഡ് കണ്ട് പുറത്തായി. ലെസ്റ്റര്‍ സിറ്റിയും ബേണ്‍ മൗത്തും തമ്മിലുള്ള മത്സരം സമനിലയില്‍ കലാശിച്ചു.
ഇരു ടീമുകളും ഓരോ ഗോള്‍ വീതമാണ് സ്‌കോര്‍ ചെയ്തത്. ലെസ്റ്ററിന് വേണ്ടി റിയാദ് മെഹ്‌റസും ബേണ്‍ മൗത്തിന് വേണ്ടി ജോഷ്വാ കിങ്ങും ഗോള്‍ നേടി. മറ്റൊരു മത്സരത്തില്‍ സ്വാന്‍സി സിറ്റി ഒന്നിനെതിരേ നാലുഗോളുകള്‍ക്ക് വെസ്റ്റ് ഹാമിനെ പരാജയപ്പെടുത്തി. എട്ടാം മിനുട്ടില്‍ കി സുങ്ങ് യങ്, 32ാം മിനുട്ടില്‍ മൈക്ക് വാന്‍ഡര്‍ ഹൂം, ആന്‍ഡി കിങ്, ജോര്‍ദന്‍ എവ്യു എന്നിവര്‍ സ്വാന്‍സി സിറ്റിക്ക് വേണ്ടി ഗോളുകള്‍ നേടി. മൈക്കല്‍ അന്റോണിയോയാണ് വെസ്്റ്റ് ഹാമിന്റെ ആശ്വാസ ഗോള്‍ നേടിയത്. രണ്ട് ഗോളുകള്‍ക്ക് ടോട്ടനം ഹഡ്ഡര്‍സ്ഫീല്‍ഡിനെ പരാജയപ്പെടുത്തി. ടോട്ടനത്തിന് വേണ്ടി സോങ് ഹുങ് മിന്നാണ് രണ്ടു ഗോളുകളും നേടിയത്. സതാംപ്റ്റണും സ്റ്റോക്ക് സിറ്റിയും തമ്മിലുള്ള മത്സരം ഗോള്‍ രഹിത സമനിലയില്‍ കലാശിച്ചു. എതിരില്ലാത്ത ഒരു ഗോളിന് വാട്‌ഫോര്‍ഡ് വെസ്റ്റ് ബ്രോമിനെ പരാജയപ്പെടുത്തി. ട്രോയ് ഡിനിയാണ് വാട്‌ഫോര്ഡിന് വേണ്ടി ഗോള്‍ നേടിയത്.
സെവിയ്യക്ക് ജയം
ലാലിഗയില്‍ ഇന്നലെ നടന്ന മത്സരത്തില്‍ എതിരില്ലാത്ത രണ്ട് ഗോളുകള്‍ക്ക് സെവിയ്യ അത്‌ലറ്റിക്കോ ബില്‍ബാവോയെ പരാജയപ്പെടുത്തി. ലൂയിസ് മോറിയല്‍, ഫ്രാന്‍സോ എന്നിവരാണ് സെവിയ്യക്ക് വേണ്ടി ഗോളുകള്‍ നേടിയത്.
ഷാല്‍ക്കെക്ക് വിജയം
ബുണ്ടസ് ലിഗയില്‍ ഷാല്‍ക്കെ ഒരു ഗോളിന് ഹെര്‍ത്തയെ പരാജയപ്പെടുത്തി. ഷാല്‍ക്കെക്ക് വേണ്ടി മാര്‍ക്കോയാണ് ഗോള്‍ നേടിയത്. മറ്റൊരു മത്സരത്തില്‍ ഓസ്ബര്‍ഗ് ഹോഫന്‍ഹോമിനോട് രണ്ട് ഗോളിന് പരാജയപ്പെട്ടു.