മീററ്റ്: ഉത്തര്‍പ്രദേശില്‍ പൊലിസ് നടത്തിയ ഏറ്റുമുട്ടലില്‍ ഒരാള്‍ കൊല്ലപ്പെട്ടു.ഒരു പൊലിസുകാരന് പരുക്കേറ്റു.  ശനിയാഴ്ച രാത്രിയാണ് സംഭവം.

50,000 രൂപ ഇനാം പ്രഖ്യാപിച്ച സൂര്‍ജിത്ത് എന്നയാളാണ് കൊല്ലപ്പെട്ടതെന്ന് യു.പി പൊലിസ് അറിയിച്ചു.

പ്രതി സ്ഥലത്തുണ്ടെന്ന വിവരം ലഭിച്ചതിനെ തുടര്‍ന്ന് ഇയാളെ പിന്തുടരുകയായിരുന്നു.

ഒരു കുടുംബത്തിലെ മൂന്ന് പേരെ കൊന്ന കേസിലെ പ്രതിയാണ് സുര്‍ജിത്തെന്ന് പൊലിസ് പറഞ്ഞു. മറ്റൊരാളെ കൊല്ലാന്‍ ഇയാള്‍ ശ്രമം നടത്തുന്നതിനിടെയാണ്  ഏറ്റുമുട്ടല്‍ ഉണ്ടായതെന്നും പൊലിസ് വ്യക്തമാക്കി.

2016 മുതല്‍ ഇയാള്‍ക്ക് വേണ്ടിയുള്ള അന്വേഷണം പൊലിസ് നടത്തുകയാണ്. കൊലപാതകത്തിന് പുറമേ തട്ടികൊണ്ടു പോകല്‍, പിടിച്ചുപറി തുടങ്ങിയ കേസുകളും ഇയാള്‍ക്കെതിരെ നിലവിലുണ്ട്.