മലപ്പുറം: താല്‍ക്കാലിക നേട്ടത്തിനായി ചിലര്‍ പാര്‍ട്ടിയെ ദുരുപയോഗം ചെയ്യുകയാണെന്നും ഇവരെ പാര്‍ട്ടി നാളെ തിരിച്ചറിയുമെന്നും സി.പി.ഐ നേതാവ് കെ.ഇ ഇസ്മായീല്‍. പാര്‍ട്ടിക്ക് മീതെ പറക്കുന്നവരെ കാലം തോല്‍പിക്കുകതന്നെ ചെയ്യും. പാര്‍ട്ടിയെ ദുര്‍ബലപ്പെടുത്താന്‍ ആരെയും അനുവദിക്കില്ലെന്നും പാര്‍ട്ടിയാണ് വലുതെന്നും കെ.ഇ ഇസ്മായീല്‍ പറഞ്ഞു.
മൂല്യങ്ങളില്‍ അടിയുറച്ച് പോകുന്ന ആളായതിനാല്‍ തനിക്ക് ആരെയും ഭയമില്ലെന്നും ഇസ്മായില്‍ പറഞ്ഞു. സംസ്ഥാന സമ്മേളനത്തില്‍ അഭിവാദ്യ പ്രസംഗം നടത്തുകയായിരുന്നു അദ്ദേഹം.