തനിക്കെതിരേയുള്ള ആരോപണങ്ങള് രാഷ്ട്രീയ പ്രേരിതമെന്ന് കാര്ത്തി ചിദംബരം
ന്യൂഡല്ഹി: ഐ.എന്.എക്സ് മീഡിയ തട്ടിപ്പുമായി ബന്ധപ്പെട്ട് തനിക്കെതിരേയുള്ള ആരോപണങ്ങള് അടിസ്ഥന രഹിതമാണെന്നും രാഷ്ട്രീയ പ്രേരിതമാണെന്നും കാര്ത്തി ചിദംബരം പറഞ്ഞു. ചോദ്യം ചെയ്യാനായി മുംബൈയിലെ ബെയ്കുള്ള ജയിലിലേക്ക് കൊണ്ടുപോവുമ്പോഴാണ് അദ്ദേഹം ഇക്കാര്യം പറഞ്ഞത്. അഞ്ചു ദിവസത്തേക്ക് സി.ബി.ഐ കസ്റ്റഡിയില് വിട്ട കാര്ത്തിയ ചോദ്യം ചെയ്യാനാണ് ഡല്ഹിയില് നിന്ന് ബെയ്കുള്ളയിലേക്ക് കൊണ്ടുവന്നത്.
ഇന്ദ്രാണി മുഖര്ജിയുമൊത്താണ് കാര്ത്തിയെ സി.ബി.ഐ ചോദ്യം ചെയ്തത്. ചോദ്യം ചെയ്ത ശേഷം വൈകിട്ട് അഞ്ച് മണിയോടെ ഡല്ഹിയിലേക്ക് തന്നെ അദ്ദേഹത്തെ കൊണ്ട് പോയി. രാവിലെ പത്തിന് ആരംഭിച്ച ചോദ്യം ചെയ്യല് വൈകിട്ട് മൂന്നരവരെ തുടര്ന്നു. ചോദ്യം ചെയ്യാന് അക്തര് ജെയിലിലേക്ക് കൊണ്ട്പോകാന് സി.ബി.ഐ തീരുമാനിച്ചുവെങ്കിലും കോടതി ഉത്തരവ് ലഭിക്കാത്തതിനാല് അതിന് സാധിച്ചില്ല. നിയമ വിരുദ്ധമായി വിദേശത്ത് നിന്ന് 305 കോടി രൂപയുടെ നിക്ഷേപം നേടിയതുള്പ്പെടെ ഐ.എന് എക്സ് മീഡിയ നടത്തിയ ക്രമക്കേടുകള് ഒതുക്കാന് കോഴ വാങ്ങിയെന്നാണ് കാര്ത്തിക്കെതിരേയുള്ള കേസ്. ഇന്ദ്രാണി മുഖര്ജിയുടെ മൊഴിയുടെ അടിസ്ഥാനത്തില് ഫെബ്രുവരി 28ന് ആണ് ഇദ്ദേഹത്തെ അറസ്റ്റ് ചെയ്തത്.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."