മലപ്പുറം: ഗവ.ഗേള്‍സ് ഹൈസ്‌കൂളില്‍ ഈ വര്‍ഷം പ്രവേശനം നേടിയ മുഴുവന്‍ കുട്ടികള്‍ക്കും ഓരോ പുസ്തകം നല്‍കി വിദ്യാലയത്തിലേക്ക് വരവേറ്റു. എട്ടാം ക്ലാസിലും അഞ്ചാം ക്ലാസിലും പുതുതായി ചേര്‍ന്ന അഞ്ഞൂറിലധികം വരുന്ന കുട്ടികള്‍ക്കാണു പുസ്തകം നല്‍കിയത്. ഓരോരുത്തര്‍ക്ക് ഓരോ പുസ്തകം നല്‍കി അത് വായിച്ച ശേഷം ക്ലാസ് ലൈബ്രറിയിലേക്ക് കുട്ടികള്‍ സംഭാവന ചെയ്യും. പ്രവേശനോത്സവം വാര്‍ഡ് കൗണ്‍സിലര്‍ കെ.വി വത്സല കുമാരി ടീച്ചര്‍ ഉദ്ഘാടനം ചെയ്തു.