തിരുവനന്തപുരം: ത്രിപുരയില്‍ സി.പി.എമ്മിനു നേരെ ബി.ജെ.പിയും ആര്‍.എസ്.എസും നടത്തുന്ന അക്രമങ്ങളില്‍ പ്രതിഷേധിച്ച് സംസ്ഥാനത്തെ പ്രധാന കേന്ദ്രങ്ങളില്‍ ഇന്ന് പ്രകടനങ്ങളും പൊതുയോഗങ്ങളും സംഘടിപ്പിക്കുമെന്ന് മുന്നണി കണ്‍വീനര്‍ വൈക്കം വിശ്വന്‍ അറിയിച്ചു.
ജനാധിപത്യ സംവിധാനത്തെയാകെ അട്ടിമറിച്ച് അധികാരത്തിലെത്തിയ ആര്‍.എസ്.എസും സംഘ്പരിവാര്‍ ശക്തികളും ത്രിപുരയിലാകെ കലാപം അഴിച്ചുവിടുകയാണ്.
ഈ അക്രമങ്ങള്‍ക്കെതിരേ രാജ്യവ്യാപകമായി ശക്തമായ പ്രതിഷേധം ഉയര്‍ന്നുവരണം. വളഞ്ഞ വഴിയിലൂടെ അധികാരം പിടിച്ചെടുക്കുകയും അധികാരത്തിലെത്തിയ ഉടനെ അക്രമം അഴിച്ചുവിടുകയും ചെയ്യുകയെന്ന ഫാസിസ്റ്റ് രീതിയാണ് ത്രിപുരയിലും ബി.ജെ.പി നടത്തുന്നത്.
സംസ്ഥാനത്ത് എല്‍.ഡി.എഫ് നടത്തുന്ന പ്രതിഷേധ പരിപാടികളില്‍ മുഴുവന്‍ ബഹുജനങ്ങളും അണിനിരക്കണമെന്ന് അദ്ദേഹം അഭ്യര്‍ഥിച്ചു.