പാലക്കാട്:  പി സരിന്റെ ഹസ്തദാനം നിരസിച്ച് ഷാഫിയും രാഹുലും. കല്യാണവീട്ടില്‍ വോട്ട് തേടിയെത്തിയതായിരുന്നു പാലക്കാട്ടെ എല്‍ഡിഎഫ് സ്ഥാനാര്‍ഥി പി സരിന്‍. ഇവിടെവച്ചാണ് കോണ്‍ഗ്രസ് സ്ഥാനാര്‍ഥിയെ കണ്ടത്. രാഹുലിനും ഷാഫിക്കും ഹസ്തദാനം നല്‍കാന്‍ സരിന്‍ കൈ നീട്ടിയതും ഇരുവരും അതുകാണാത്തമട്ടില്‍ നടക്കുകയായിരുന്നു.

നിരവധി തവണ രാഹുലിനെയും ഷാഫിയെയും സരിന്‍ വിളിച്ചെങ്കിലും തിരിഞ്ഞുനോക്കാതെ നടന്നുപോവുകയായിരുന്നു രണ്ടുപേരും. മാത്രല്ല സരിന്റെ സാന്നിധ്യത്തില്‍ കോണ്‍ഗ്രസ് വിമത നേതാവ് എ വി ഗോപിനാഥിനെ രാഹുല്‍ ചേര്‍ത്തുപിടിക്കുകയും ചെയ്തു.

എല്ലാം ജനങ്ങള്‍ കാണുകയാണെന്ന് സരിന്‍ മാധ്യമങ്ങളോട് പറഞ്ഞു. തനിക്ക് കപടമായ മുഖമില്ലെന്നും സരിനു കൈ കൊടുക്കാന്‍ അല്‍പം പ്രയാസമുണ്ടെന്നും ചെയ്യുന്നതൊക്കെ ആത്മാര്‍ഥമായിട്ടു തന്നെയാണെന്നും രാഹുല്‍.