പുതിയതെരു: പുതിയതെരുവില്‍ നിന്ന് 5000 പാക്കറ്റ് ഹാന്‍സ് ശേഖരം പിടികൂടി. മാര്‍ക്കറ്റിലെ കെ.എന്‍.എം സ്റ്റോറില്‍ നിന്ന് ഇന്നലെ രാവിലെ വളപട്ടണം എസ്.ഐ ശ്രീജിത്ത് കൊടേരിയും സംഘവും നടത്തിയ പരിശോധനയിലാണ്  ഇവ പിടികൂടിയത്. കടയുടമ വളപട്ടണത്തെ മുഹമ്മദ് കുഞ്ഞി(45)യെ അറസ്റ്റ് ചെയ്തു. വില്‍പ്പന നടത്തുന്നതിന് വേണ്ടി കടയില്‍ സൂക്ഷിച്ചിരുന്നതാണ് ഹാന്‍സ് എന്ന് പൊലിസ് പറഞ്ഞു. റെയ്ഡില്‍ അഡീഷണല്‍ എസ്.ഐ രവീന്ദ്രന്‍, സിവില്‍ പൊലിസ്  ഓഫിസര്‍മാരായ അനില്‍കുമാര്‍, ബിജു എന്നിവരുമുണ്ടായി.