ആലക്കോട്: കൃഷിഭവന്റെ നേതൃത്വത്തില്‍ പഞ്ചായത്ത്തല റിസോഴ്‌സ് ഗ്രൂപ്പ് രൂപീകരണവും ശില്‍പശാലയും ആലക്കോട് പഞ്ചായത്ത് പ്രസിഡന്റ് മോളി മാനുവല്‍ ഉദ്ഘാടനം ചെയ്തു. പഞ്ചായത്ത്തല ഫാം പ്ലാന്‍ രൂപീകരണവുമായി ബന്ധപ്പെട്ടാണ് പരിപാടി സംഘടിപ്പിച്ചത്. കാര്‍ഷിക മേഖലയില്‍ സമഗ്ര വികസനം സാധ്യമാകുന്ന തരത്തിലുള്ള ഇടപെടലുകള്‍ നടത്തുന്നതിനാവശ്യമായ രൂപരേഖ തയാറാക്കലാണ് ഫാം പ്ലാന്‍ കൊണ്ട് ഉദ്ദേശിക്കുന്നത്. വികസന കാര്യ സ്റ്റാന്റിങ് കമ്മിറ്റി ചെയര്‍പേഴ്‌സന്‍ ആലീസ് ജോസഫ് അധ്യക്ഷയായി . കൃഷി ഓഫിസര്‍ പി.എന്‍ അനൂപ് പദ്ധതി വിശദീകരിച്ചു. അസി. കൃഷി ഓഫിസര്‍ കെ.സി ജയരാജന്‍, ടി. ചന്ദ്രമതി, ലിസി വര്‍ഗീസ്, എം.സി ബിജി, മൃദുല രാജഗോപാല്‍, നിഷ ബിനു, ഷിബി ഷനീഷ്, വത്സമ്മ വാണിശേരി, രാജലക്ഷ്മി, മിസി രാജു, സാലി തണ്ണിപ്പാറ, ദീപ്തി ബി. നായര്‍ സംസാരിച്ചു.