പയ്യന്നൂര്‍: കണ്ടോത്ത് ജിംനേഷ്യത്തിനുള്ളില്‍ തൂങ്ങിമരിച്ച ട്രെയിനറും പയ്യന്നൂര്‍ ടൗണിലെ ഓട്ടോറിക്ഷാ ഡ്രൈവറുമായ പി.വി രജീഷി(35)ന്റെ മരണത്തില്‍ ദുരൂഹതയുണ്ടെന്ന് കാണിച്ച് പിതാവ് നല്‍കിയ പരാതിയില്‍ പയ്യന്നൂര്‍ പൊലിസ് അന്വേഷണം തുടങ്ങി. വീട്ടില്‍നിന്നു ജിംനേഷ്യത്തിലേക്ക് പോയ രജീഷിനെ രാവിലെ പത്തോടെയാണ് സമീപത്തെ കടയിലെ തൊഴിലാളി തൂങ്ങിമരിച്ച നിലയില്‍ കണ്ടെത്തിയത്. മരണദിവസം രജീഷിന്റെ ഫോണിലേക്ക് വന്ന കോളുകള്‍ കേന്ദ്രീകരിച്ചാണ് അന്വേഷണം. അവിവാഹിതനായ രജീഷിന്റെ മരണത്തില്‍ ദുരൂഹതയുണ്ടെന്ന് സംഭവദിവസം തന്നെ ബന്ധുക്കളും സുഹൃത്തുക്കളും പൊലിസിനെ അറിയിച്ചിരുന്നു.