തിരുവനന്തപുരം: ഹൈക്കോടതി ഡ്ജിമാര്‍ക്കും ലോകായുക്തയ്ക്കുമെതിരെ പരാതിയുമായി ഡി.ജി.പി ജേക്കബ് തോമസ്. തന്നെ വ്യക്തിപരമായി അധിക്ഷേപിച്ചുവെന്നും തനിക്കെതിരെ ഉന്നതഗൂഢാലോചന നടത്തിയെന്നും കാണിച്ചാണ് ജേക്കബ് തോമസ് കേന്ദ്ര വിജിലന്‍സ് കമ്മിഷണര്‍ക്കു പരാതി നല്‍കിയത്.

ജസ്റ്റിസുമാരായ പി ഉബൈദിനും എബ്രഹാം മാത്യുവിനുമെതിരെയും ലോകായുക്ത പയസ് സി കുര്യാക്കോസിനെതിരെയുമാണ് പരാതി. ചീഫ് സെക്രട്ടറി മുഖേനയാണ് പരാതി നല്‍കിയത്.

പാറ്റൂര്‍, ബാര്‍ക്കോഴ കേസുകളിലെ വിധി പുന:പരിശോധിക്കണമെന്നും വിജിലന്‍സ് കേസുകള്‍ ദുര്‍ബലമാക്കിയെന്നും പരാതിയില്‍ പറയുന്നു. ഇക്കാര്യത്തില്‍ നിക്ഷ്പക്ഷമായ അന്വേഷണം നടത്തണമെന്നും ജേക്കബ് തോമസ് ആവശ്യപ്പെട്ടു.