ചെന്നൈ: ഒന്നാം വര്‍ഷ കൊമേഴ്‌സ് ബിരുദ വിദ്യാര്‍ഥിനിയെ കോളജിന് മുന്‍പില്‍ കുത്തിക്കൊലപ്പെടുത്തി. എം. അശ്വനി(19) എന്ന വിദ്യാര്‍ഥിനിയെയാണ് ചെന്നൈ കെ.കെ നഗറിലുള്ള മീനാക്ഷി അക്കാദമി ഓഫ് ഹയര്‍ എഡ്യുക്കേഷന്‍ ആന്റ് റിസര്‍ച്ച് സെന്ററിലെ വിദ്യാര്‍ഥി അഴകേശന്‍ കുത്തിക്കൊലപ്പെടുത്തിയത്.
കോളജില്‍ നിന്ന് അശ്വനിയെ അഴകേശന്‍ വിളിച്ചിറക്കിയ ശേഷം ഇരുവരും തമ്മില്‍ വാക്കുതര്‍ക്കമുണ്ടാകുകയും തുടര്‍ന്ന് കൈയില്‍ കരുതിയ കത്തിയെടുത്ത് യുവാവ് കുത്തുകയായിരുന്നുവെന്ന് നാട്ടുകാര്‍ പറഞ്ഞു. സ്ഥലത്തുനിന്ന് ഓടി രക്ഷപ്പെടാന്‍ ശ്രമിച്ച അഴകേശനെ നാട്ടുകാര്‍ മര്‍ദ്ദിച്ച അവശനാക്കിയശേഷം പൊലിസിന് കൈമാറി.
ഇതിനിടയില്‍ അശ്വനിയെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. വിദ്യാര്‍ഥിനിയെ കുത്തിക്കൊലപ്പെടുത്താനുണ്ടായ കാരണം വ്യക്തമായിട്ടില്ലെന്ന് പൊലിസ് പറഞ്ഞു.