തിരുവനന്തപുരം: പ്രമുഖ കാലിത്തീറ്റ നിര്‍മാണ കമ്പനി കേരള സോള്‍വെന്റ്‌സ് എക്‌സ്ട്രാക്ഷന്‍സ് (കെ.എസ്.ഇ) ലിമിറ്റഡിന്റെ തിരുവനന്തപുരം മേഖലയിലെ വിതരണക്കാരെ പങ്കെടുപ്പിച്ചു കൊണ്ട് ഡീലര്‍ മീറ്റ് തിരുവനന്തപുരത്ത് നടന്നു.
തിരുവനന്തപുരം, കൊല്ലം, പത്തനംതിട്ട എന്നീ മൂന്ന് ജില്ലകളിലെ വിതരണക്കാര്‍ പങ്കെടുത്ത ഡീലര്‍ മീറ്റ് മാനേജിങ് ഡയരക്ടര്‍ എ.പി. ജോര്‍ജ് ഉദ്ഘാടനം ചെയ്തു. നൂറിലേറെ വിതരണക്കാര്‍ പങ്കെടുത്ത മീറ്റില്‍ കമ്പനിയുടെ സാമ്പത്തിക മേഖലയെ കുറിച്ചും പുതിയ ടാക്‌സ് സംവിധാനങ്ങളെക്കുറിച്ചും കാലിത്തീറ്റ വ്യവസായത്തിലെ വിതരണക്കാര്‍ നേരിടുന്ന വിവിധ പ്രശ്‌നങ്ങളും അതിനുള്ള പരിഹാരങ്ങളും ചര്‍ച്ചാവിഷയമായി.
ഡെപ്യൂട്ടി ജനറല്‍ മാനേജര്‍ എം. അനില്‍, ചീഫ് അഡൈ്വസര്‍ ഓപ്പറേഷന്‍സ് ആനന്ദ് മേനോന്‍, സി.എഫ്.ഒ ശങ്കരനാരായണന്‍, കെ.എസ്.ഇ എക്‌സിക്യുട്ടിവ് ഡയരക്ടര്‍ എം.പി. ജാക്‌സണ്‍, ഡോ. ജോര്‍ജ് മാത്തന്‍, ഡോ. വി.വി. രാജി, ഡി.ജി.എം മാര്‍ക്കറ്റിങ് വി.വി. ചെറിയാന്‍, സെയില്‍സ് മാനേജര്‍ മോഹന്‍ കോനിക്കര പങ്കെടുത്തു. മികച്ച വിതരണക്കാര്‍ക്കും സഹകരണ സംഘങ്ങള്‍ക്കും ചടങ്ങില്‍ ഉപഹാരം നല്‍കി.