ഇസ്‌ലാമാബാദ്: പാകിസ്താന്‍ മുന്‍ പ്രധാനമന്ത്രി നവാസ് ശരീഫിനെതിരേ ചെരുപ്പേറ്. ലാഹോറിലെ ജാമിഇ നയിമ യൂനിവേഴ്‌സിറ്റിയില്‍ പരിപാടിക്കെത്തിയപ്പോഴാണ് ചെരുപ്പേറുണ്ടായത്. കഴിഞ്ഞ ദിവസം പാക് വിദേശകാര്യ മന്ത്രി ഖ്വാജ ആസിഫിന് നേരെ സിയാല്‍കോട്ടില്‍ മഷിയെറിഞ്ഞിരുന്നു. മുഫ്ത്തി മുഹമ്മദ് ഹുസൈന്‍ നയീമിയുടെ ചരമവാര്‍ഷികത്തോട് അനുബന്ധിച്ച് പ്രസംഗിക്കാന്‍ എത്തിയപ്പോഴാണ് നാവാസിനെതിരേ ചെരുപ്പേറുണ്ടായത്.
ശീരഫിന്റെ ചെവിക്കും മുതികിലുമായാണ് ഏറ് കൊണ്ടത്. സംഭവവുമായി ബന്ധപ്പെട്ട്് അബ്ദുല്‍ ഗഫൂര്‍, സാജിദ് എന്നിവരെ അറസ്റ്റ്‌ചെയ്തു.
പ്രസംഗം നടത്തിയ ശേഷമാണ് ശരീഫ് വേദി വിട്ടത്.
പ്രവാചകനുമായി പാകിസ്താന്‍ പാര്‍ലമെന്റിലെ ഭേദഗതിയുമായി ബന്ധപ്പെട്ട ചില വാക്കുകളുമായി ബന്ധപ്പെട്ട് രാജ്യത്ത് വിവാദം പുകയുന്നതിനിടെയാണ് ആക്രമണം. സമാന വിഷയത്തില്‍ കഴിഞ്ഞ നവംബറില്‍ പാക് നിയമമന്ത്രി സാഹിദ് ഹമീദ് രാജി വച്ചിരുന്നു.
മത സംഘടനയായ തഹ്‌രീകെ ലബാഇക് പ്രവര്‍ത്തകരുടെ പ്രതിഷേധത്തെ തുടര്‍ന്നായിരുന്നു രാജി.