റിയാദ്: റിയാദ് കെ.എം.സി.സി മട്ടന്നൂര്‍ മണ്ഡലം കമ്മിറ്റി ഇ. അഹമ്മദ് മെമ്മോറിയല്‍ മാനവസേവ അവാര്‍ഡുകള്‍ പ്രഖ്യാപിച്ചു. മുസ്‌ലിം ലീഗ് സംസ്ഥാന വൈസ് പ്രസിഡന്റ് വി.കെ അബ്ദുള്‍ ഖാദര്‍ മൗലവി, കെ.എം ഷാജി എം.എല്‍.എ, എം.കെ നൗഷാദ്, എം.വി മായിന്‍കുട്ടി ഹാജി നീര്‍വേലി എന്നിവര്‍ക്കാണ് അവാര്‍ഡുകള്‍.
എന്‍.എന്‍ നാസര്‍, യാക്കൂബ് ഹാജി, ഹാഷിം നീര്‍വേലി, എം.കെ മജീദ് കളറോഡ്, പി.പി ജലീല്‍ കളറോഡ്, ശബീര്‍ എടയന്നൂര്‍ എന്നിവരടങ്ങിയ സമിതിയാണ് ജേതാക്കളെ തീരുമാനിച്ചത്. ഏപ്രില്‍ അവസാനം മട്ടന്നൂരില്‍ അവാര്‍ഡുകള്‍ വിതരണം ചെയ്യും. യെര്‍മൂക്കില്‍ നടന്ന റിയാദ് മട്ടന്നൂര്‍ മണ്ഡലം കെ.എം.സി.സി മുസ്‌ലിം ലീഗ് സ്ഥാപക ദിനാചരണം യാക്കൂബ് ഹാജി തില്ലങ്കേരി ഉദ്ഘാടനം ചെയ്തു. എന്‍.എന്‍ നാസര്‍ അധ്യക്ഷനായി. ഷഫീഖ് കൂടാളി പ്രഭാഷണം നടത്തി. ടി.കെ ശരീഫ്, റസാഖ് മണക്കായി, ലിയാഖത് നീര്‍വേലി, ഷഫീഖ് കയനി, ശബാബ് പടിയൂര്‍ സംസാരിച്ചു.