നീലേശ്വരം: മുനിസിപ്പല്‍ മുസ്‌ലിം ലീഗ് സമ്മേളനത്തിന് ഇന്നു തൈക്കടപ്പുറത്ത് തുടക്കമാകും. സംസ്ഥാന-ജില്ലാ ഭാരവാഹികള്‍ക്ക് സ്വീകരണവും നവീകരിച്ച തൈക്കടപ്പുറം ശാഖാ ലീഗ് ഓഫിസിന്റെ ഉദ്ഘാടനവും നിര്‍വ്വഹിക്കും.
വൈകുന്നേരം നാലിനു ഓഫിസിന്റെ ഉദ്ഘാടനം സംസ്ഥാന ട്രഷറര്‍ ചെര്‍ക്കളം അബ്ദുല്ല നിര്‍വഹിക്കും. പൊതുസമ്മേളനം സംസ്ഥാന വൈസ് പ്രസിഡന്റ് സി.ടി അഹമ്മദലി ഉദ്ഘാടനം ചെയ്യും.
സംസ്ഥാന ഭാരവാഹികളായ ട്രഷറര്‍ ചെര്‍ക്കളം അബ്ദുല്ല, സംസ്ഥാന വൈസ് പ്രസിഡനന്റ് സി.ടി അഹമ്മദലി, ജില്ലാപ്രസിഡന്റ് എം.സി ഖമറുദ്ദീന്‍, ജനറല്‍ സെക്രട്ടറി എ. അബ്ദുല്‍ റഹിമാന്‍, ട്രഷറര്‍ കല്ലട്ര മാഹിന്‍ ഹാജി, ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍ എന്നിവര്‍ക്ക് സ്വീകരണം നല്‍കും. കോഴിക്കോട് ജില്ലാ ലീഗ് സെക്രട്ടറി വെങ്കലം റഷീദ് മുഖ്യ പ്രഭാഷണം നടത്തും.