കയ്പ്പമംഗലം : ദേശീയപാത 17 കയ്പമംഗലം മൂന്നുപീടികയില്‍ കെ.എസ്.ആര്‍.ടി.സി ബസും കാറും കൂട്ടിയിടിച്ചു അഞ്ചു പേര്‍ക്കു പരുക്ക്.
ആലുവ ഏലൂര്‍ സ്വദേശി ദിവ്യാജ്ജലിയില്‍ നാരായണന്‍കുട്ടി (62), ഭാര്യ സുജാത (55), ബസ് യാത്രികരായ ചെന്ത്രാപ്പിന്നി സ്വദേശികളായ ചാരി ചെട്ടി വീട്ടില്‍ ജനാര്‍ദ്ദനന്‍ ഭാര്യ തങ്ക (59), ചാരിചെട്ടി ഷാജി ഭാര്യ രാധ (32), മകന്‍ രഞ്ജിത്ത് എന്നിവര്‍ക്കാണു പരുക്കേറ്റത്. ജനാര്‍ദ്ദനന്‍, തങ്ക എന്നിവരെ ലൈഫ് ഗാര്‍ഡ് പ്രവര്‍ത്തകര്‍ കൊടുങ്ങല്ലൂര്‍ ഗൗരിശങ്കര്‍ ആശുപത്രിയിലും മറ്റുള്ളവരെ ആക്ട്‌സ് പ്രവര്‍ത്തകര്‍ ഇരിങ്ങാലക്കുടയിലെ സര്‍ക്കാര്‍ ആശുപത്രിയിലും പ്രവേശിപ്പിച്ചു.