മണ്ണാര്‍ക്കാട്: പുള്ളിപ്പുലിയുടെ ജഡം സ്വകാര്യ വ്യക്തിയുടെ റബര്‍ തോട്ടത്തില്‍ കാണപ്പെട്ടു. തിരുവിഴാംകുന്ന് ഫോറസ്റ്റ് സ്റ്റേഷന് സമീപം കച്ചേരിപ്പറമ്പ് കോട്ടാണി എന്ന സ്ഥലത്താണ് 5 വയസ് പ്രായം തോന്നിക്കുന്ന ആണ്‍ പുള്ളിപ്പുലിയുടെ ജഡം പ്രദേശവാസികള്‍ കാണപ്പെട്ടത്. ജഡത്തിന് രണ്ട് ദിവസത്തോളം പഴക്കമുണ്ടെന്നാണ് പ്രാഥമിക നിഗമനം. വനം വകുപ്പ് പുളളിപ്പുലിയുടെ ജഡത്തിന് കാവലേര്‍പ്പെടുത്തി. ചൊവ്വാഴ്ച ഉച്ചക്ക് കഴിഞ്ഞ് പ്രത്യേക സംഘമെത്തിയതിന് ശേഷം പോസ്റ്റ് മോര്‍ട്ടം നടക്കും.