തിരുവനന്തപുരം: പാലക്കാട് നിയമസഭാ ഉപതെരഞ്ഞെടുപ്പിലെ സ്ഥാനാര്‍ഥിത്വവുമായി ബന്ധപ്പെട്ട് പി സരിന്‍ ഉയര്‍ത്തിയ ആരോപണങ്ങളോട് പ്രതികരിക്കാതെ കോണ്‍ഗ്രസ് സ്ഥാനാര്‍ഥി രാഹുല്‍ മാങ്കൂട്ടത്തില്‍. തന്റെ അടുത്ത സുഹൃത്താണ് സരിന്‍. ഇന്നലെയും ഇന്നും നാളെയുമെല്ലാം അദ്ദേഹം തനിക്ക് അടുത്ത സുഹൃത്തുതന്നെയാണ്. നല്ല പ്രത്യയ ശാസ്ത്ര ക്ലാരിറ്റിയുള്ള ആളാണ് സരിന്‍. അദ്ദേഹത്തിന് മറുപടി പറയാന്‍ കപ്പാസിറ്റിയുള്ള ആളല്ല താനെന്നും രാഹുല്‍ മാങ്കൂട്ടത്തില്‍ പറഞ്ഞു. 

മുതിര്‍ന്ന കോണ്‍ഗ്രസ് നേതാവ് എ കെ ആന്റണിയെ വീട്ടിലെത്തി സന്ദര്‍ശിച്ച ശേഷം മാധ്യമങ്ങളോട് സംസാരിക്കുകയായിരുന്നു രാഹുല്‍ മാങ്കൂട്ടത്തില്‍.

പാലക്കാട് സ്ഥാനാര്‍ത്ഥിത്വം സംബന്ധിച്ച് പുനര്‍ചിന്തവേണമെന്നാണ് വാര്‍ത്താസമ്മേളനത്തില്‍ സരിന്‍ പറഞ്ഞത്. ഇക്കാര്യം ആവശ്യപ്പെട്ട് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെയ്ക്കും ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധിക്കും കത്തയച്ചിരുന്നുവെന്നും സരിന്‍ പറഞ്ഞു.